महाराष्ट्र 14 न्यूज, (दि.३१जुलै) : राष्ट्रवादी काँग्रेस पक्षाचा माजी प्रदेश उपाध्यक्ष राहिलेला मंगलदास बांदल याच्याविरोधात लोणी काळभोर येथे पुणे ग्रामीण पोलिसांनी गुन्हा दाखल केला आहे. बंदुकीचा धाक दाखवून जमीन गहाणखत करून तब्बल पावणे सात कोटी रुपये परस्पर काढून घेतल्याच्या प्रकरणात पोलिसांनी गुन्हा दाखल केला आहे.
दरम्यान, मिळालेल्या माहितीनुसार, गंगाराम सावळा मासाळकर या 74 वर्षीय व्यक्तीची हवेली तालुक्यात जमीन आहे. त्या जमिनीचे बळजबरीने गहाणखत करून संबंधित व्यक्तीला गाडीत डांबून आरोपींनी तब्बल 6 कोटी 75 लाख रुपये काढून घेतल्याचा आरोप करण्यात आला आहे.
या प्रकरणात राष्ट्रवादी काँग्रेस पक्षाचा माजी प्रदेश उपाध्यक्ष मंगलदास बांदल याच्यासह सचिन पलांडे, विकास भोंडवे, संदीप भोंडवे व शिवाजीराव भोसले बँकेतील एक अधिकारी यांच्या विरोधात गुन्हा दाखल करण्यात आला आहे. 2013 पासून हा प्रकार घडत असल्याचं फिर्यादीने आपल्या तक्रारीत म्हटलं आहे.
बळजबरीने गहाणखत करून 6 कोटी 75 लाख रुपये परस्पर काढून घेतल्यानंतर आरोपींनी जमिनीवरील बोजा कमी करण्यासाठी तब्बल 1 कोटी रुपयांची मागणी केल्याचंही गंगाराम मासाळकर यांनी आपल्या तक्रारीत नमूद केलं आहे. लोणी काळभोर पोलीस ठाण्यात गुन्हा दाखल करण्यात आला असून पुणे ग्रामीण पोलिस या प्रकरणात आणखी तपास करत आहे.
महाराष्ट्र 14 न्यूज, (दि.०२ मे) : महाराष्ट्रातील 48 जागांपैकी 47 जागांवरील लढती कशा असतील हे…
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…
महाराष्ट्र 24 न्यूज, दि.२५ एप्रिल : मावळ लोकसभा मतदारसंघातील शिवसेना-भाजपा-राष्ट्रवादी-आरपीआय-मनसे-रासपा व मित्रपक्ष महायुतीचे उमेदवार श्रीरंगआप्पा…