महाराष्ट्र 14 न्यूज, (दि.१२ जून) : पिंपरी-चिंचवड महापालिका हद्दीतील नागरिकांना चांगले रस्ते आणि पायाभूत सुविधा मिळाल्या पाहिजेत. याकरिता शहरातील नवी सांगवी आणि पिंपळे गुरव भागातील पावसाळी पूर्व कामे लवकरात लवकर मार्गी लावा. कवडे नगर, विनायक नगर( त्रिमूर्ती कॉलनी) या भागात सुरू असलेल्या रस्त्याच्या कामाची भाजपा शहराध्यक्ष शंकर जगताप यांनी पाहणी करून कामकाजाचा आढावा घेतला , यावेळी त्यांनी नागरी आरोग्याच्या दृष्टीने साथीचे रोग प्रतिबंधक औषध फवारणी करावी, तसेच नागरिकांना कोणत्याही प्रकारचा त्रास न होता कामे झाली पाहिजेत अशा सूचना भाजपा दिल्या आहेत.
यावेळी नवी सांगवीतील गणेश नगर, समता नगर, फेमस चौक, साई चौक, स्वामी विवेकानंद नगर, आदर्श नगर, पिंपळे गुरव मधील कवडे नगर, त्रिमूर्ती कॉलनी आदी परिसरातील पावसाळा पूर्व कामे नाला सफाई , पावसाच्या पाण्याच्या चेंबरची सफाई आणि प्रलंबित विकासकामे याबाबत आढावा घेण्यात आला. यावेळी त्यांनी साई चौक येथील भाजी मंडई ची पाहणी करून तेथील विक्रेत्यांच्या समस्या ही जाणून घेतल्या.
![Google Ad](https://maharashtra14news.com/wp-content/uploads/2023/10/photo_2023-10-18_23-28-39-1.jpg)
नालेसफाई, पावसाळी पाणी निचरा व्यवस्था, विधुत विभाग, रस्ते खोदाई नियमावलीची अंमलबजावणी, आपत्ती व्यवस्थापन आदी विविध मुद्यांवर यावेळी चर्चा करण्यात आली. आगामी ८ दिवसांत रस्त्यांच्या दुरूस्तीची कामे पूर्ण करावीत, तसेच पथदिवे आणि साथीच्या रोगांवर नियंत्रण मिळवण्यासाठी औषध फवारणी करावी, यासाठी प्रशासनाने सकारात्मक दृष्टीकोणातून कार्यवाही करावी
असे आदेश मनपा अधिकाऱ्यांना दिले आहेत. यावेळी प्रभागातील स्थानिक नागरिक आणि लोकप्रतिनिधी यांनीही काही सूचना भाजपा शहराध्यक्ष शंकर जगताप यांना केल्या त्याची दखल जगताप यांनी घेत अधिकाऱ्यांना तशा सूचना केल्या.
यावेळी पिंपरी चिंचवड मनपाचे सर्व विभागाचे अधिकारी तसेच माजी नगरसेवक, पदाधिकारी व सामाजिक कार्यकर्ते उपस्थित होते.