महानगरपालिकेच्या वैद्यकीय संचालक तथा आरोग्य वैद्यकिय अधिकारी डॉ. पवन साळवे, जेष्ठ वैद्यकिय अधिकारी, डॉ. वर्षा डांगे, सी.एस.आर प्रमुख विजय वावरे यांनी बेबी वॉर्मरचा स्वीकार केला. महानगरपालिका हद्दीतील महापालिकेच्या रुग्णालयांमध्ये नवजात बालकांसाठी अत्यावश्यक असलेल्या बेबी वॉर्मर मुळे अतिदक्षता विभाग आणि नवजात शिशु कक्ष अधिक सुसज्ज होऊन नवजात बालकांना याचा रोज फायदा होणार आहे.
पिंपरी चिंचवड शहराबरोबरच पुणे व रायगड जिल्ह्यातील दुर्गम भागातील रुग्णालयांना देखील ७९ म्हणजे एकूण ११० बेबी वॉर्मर देण्याचा उपक्रम यावर्षी रोटरी डिस्ट्रिक्ट ३१३१ चे प्रांतपाल डॉ. अनिल परमार यांच्या संकल्पनेतून व त्यांच्या कौटुंबिय चंपाबाई परमार एज्युकेशनल फाऊंडेशन या ट्रस्टच्या वतीने हा आगळा वेगळा उपक्रम हाती घेऊन समाजात एक मानवतेचा संदेश पोहचविण्याचा हा उत्तम प्रयत्न असल्याची माहिती रोटेरीयन आदिती जोशी यांनी दिली. सदर कार्यक्रमात मनोगतात बोलताना रोटरी डिस्ट्रिक्ट ३१३१ चे प्रांतपाल डॉ. अनिल परमार यांनी अशा उपक्रमांसाठी रोटरी क्लब नेहमीच अग्रेसर असतात व समाजातील तळागाळातील गरीब गरजू उपेक्षितांच्या जीवनात प्रकाश निर्माण करण्याचे कार्य रोटरी क्लब सतत करत आले आहेत असा आवर्जून उल्लेख केला. तसेच वर्षाच्या सुरुवातीलाच प्रोजेक्ट ममता आमचे स्वप्न होते व ते आज पूर्ण करण्यासाठी आमचे कुटुंबीय तसेच विश्वस्त मंडळाकडून फार मोलाची मदत झाली असल्याचे मनोगत व्यक्त केले.
पिंपरी चिंचवड महानगरपालिकेचे वैद्यकिय संचालक तथा आरोग्य वैद्यकिय अधिकारी डॉ. पवन साळवे यांनी रोटरी क्लबच्या कार्याचे कौतुक करत रोटरी इंटरनॅशनल ही संस्था नेहमी समाजातील गरजू लोकांपर्यंत पोहचून त्यांना योग्य ती मदत करण्याचे समाज उपयोगी कार्य करत आहे. रोटरीच्या जागतिक पोलिओ निर्मूलन या अगदी जुन्या उपक्रमापासून ते आत्ताच्या कोविडमध्ये केलेल्या समाज कार्याला उजाळा दिला व आजच्या प्रकल्पाचे विशेष कौतुक केले. त्यांनी दिलेल्या सर्व उपकरणांची योग्य काळजी व वापर करण्यात येईल असे अश्वासन दिले. तसेच रोटरी क्लबच्या वतीने भविष्यातही असेच सहकार्य मिळावे अशी अपेक्षा व्यक्त केली.
या कार्यक्रमासाठी रोटरी डिस्ट्रिक्ट ३१३१ चे पदाधिकारी सी.एस.आर. प्रमुख डॉ. विजय वावरे, सिनर्जी प्रमुख चारू श्रोत्री, ग्लोबल ग्रँड प्रमुख संतोष मराठे, रोटरी क्लब ऑफ पूना वेस्टच्या अध्यक्षा भाग्यश्री भिडे, रोटरी निगडी क्लबच्या अध्यक्षा प्रणिता अलुरकर, डिस्ट्रिक्ट डायरेक्टर नितीन धमाले, अनिल नेवाळे, आदिती जोशी, राम भोसले, रविंद्र भावे, दीपक सोनावणे व इतर अनेक रोटेरियन मोठ्या संख्येने उपस्थित होते. पिंपरी चिंचवड महानगरपालिकेच्या वतीने डॉक्टर वर्षा डांगे यांनी रोटरी डिस्ट्रिक्ट ३१३१ तसेच सर्व उपस्थितांचे आभार मानले.
महाराष्ट्र 14 न्यूज, दि.28ऑगस्ट :-- मराठा आरक्षण आंदोलनाचे नेते मनोज जरांगे पाटील यांच्या नेतृत्वाखाली आंंदोलक…
महाराष्ट्र 14 न्यूज, दि.28 ऑगस्ट : पिंपळे गुरव येथील श्री गजानन महाराज यांची ११५ वी…
महाराष्ट्र 14 न्यूज, पिंपरी, दि. २७ ऑगस्ट २०२५:* पिंपरी चिंचवड महापालिकेच्या वतीने नागरिकांना सक्षम आणि…
महाराष्ट्र 14 न्यूज, पिंपरी : दि. २६ ऑगस्ट २०२५ गणेशोत्सवाची तयारी सध्या जल्लोषात सुरू असून…
महाराष्ट्र 14 न्यूज पिंपरी, दि. २६ ऑगस्ट २०२५ :* गणेशोत्सवाच्या पार्श्वभूमीवर पिंपरी चिंचवड महापालिकेचे अतिरिक्त…
महाराष्ट्र 14 न्यूज, दि. 25 ऑगस्ट :- कुत्रे पाठीमागे लागल्यामुळे नवी सांगवीतील एक महिला गाडीवरून…