गुरुवार दि. १७ ऑक्टोबर रोजी पिंपरी चिंचवड शहराचा संध्याकाळचा पाणीपुरवठा राहणार बंद

महाराष्ट्र 14 न्यूज, दि.२४ ऑक्टोबर: पिंपरी चिंचवड महानगरपालिकेच्या पाणीपुरवठा विभागाकडील से.क्र. २३ निगडी येथील जलशुध्दीकरण केंद्रातील टप्पा क्र. २ चे फिल्टर हाऊस चे इनलेट गेट बदलणे, टप्पा क्र. १ चे CLF ड्रेनचा व्हॉल्व बदलणे, टप्पा क्र.१ व २ च्या बायपाससाठी व्हॉल्व बसविणे इत्यादि कामे करावयाची असल्यामुळे गुरुवार दि. १७/१०/२०२४ रोजी पिंपरी चिंचवड शहराचा सकाळचा पाणीपुरवठा नियमित वेळेनुसार होणार असुन संध्याकाळचा पाणीपुरवठा बंद राहणार आहे. पाणीपुरवठा व विद्युत विषयक देखभाल दुरुस्तीची कामे करणेसाठी सर्व पाणीपुरवठ्याची यंत्रणा बंद ठेवलेमुळे शहरातील सर्व भागात दुस-या दिवशी म्हणजेच शुक्रवार दि. १८/१०/२०२४ रोजी होणारा सकाळचा पाणीपुरवठा अनियमित व कमी दाबाने होईल.

तरी नागरिकांनी मनपाकडील उपलब्ध पाण्याचा पुरेसा साठा करुन काटकसरीने पाणी वापर करून मनपास सहकार्य करावे, असे आवाहन मुख्य अभियंता-१ पाणीपुरवठा विभाग पिंपरी चिंचवड महानगरपालिका यांनी कळविले आहे.