महाराष्ट्र 14 न्यूज, (दि.०२ सप्टेंबर) : दरवर्षीप्रमाणे पाठपुरावा करून काही सामाजिक कार्यकर्त्यांनी सांगवीतील गणपती विसर्जन घाट अहिल्यादेवी घाट, वेताळ महाराज व दत्त मंदिर जवळचा घाट,पवना नगर घाट तसेच सर्व पाण्याचे हौद ॲाईल पेटींग करून पाणी भरून तयार केले आहेत, तसेच पवना नगरचे काही कामही चालू आहे. पवना नगरला मोठा रेडिमेड हौद ठेवण्याचे नियोजन आहे, सी.सी.कॅमेरे, निर्माल्य कलश, हॅलोजन यावेळी लाईट गेली तर अडचन होऊ नये याकरीता काही घाटावर जनरेटर देखिल बसवले आहेत.
बाप्पांचे विसर्जन १ दिवस असेल तरी ११ वा दिवसापर्यत घरगुती गणपती चे विसर्जन असते, त्यामुळे विसर्जनकरीता सर्वच यंत्रणा सज्ज झाली आहे. दुरावस्थेबद्दल वारंवार कामाची तक्रार संमधित अधिकाऱ्यांकडे मनसेच्या माध्यमातून चालूच होती, काम युध्दपातळीवर चालू झाले होते कारण आयुक्तांनी तसे आदेशच दिले होते व आज १००% काम पुर्ण झाले आहे. या कामाची “ह” प्रभाग अधिकाऱ्यानी आज पाहणी केली व काही छोटे मोठे काम राहिले असेल ते लवकर पुर्ण करून देऊ असे आश्वासन दिले होते तेही पुर्ण केले आहे.
पिंपरी चिंचवड महानगरपालिकेच्या वतीने पुण्यश्लोक आहिल्यादेवी होळकर विसर्जन घाट व श्री . दत्त मंदीर विसर्जन घाट व कृत्रिम विसर्जन हौद येथे विसर्जनाची सर्व व्यवस्था अतिशय उत्तम प्रकारे करण्यात आली आहे. त्यामुळे चांगल्या कामाचेही कौतुक झाले पाहिजे, म्हणून काही सामाजिक कार्यकर्त्यांनी स्थापत्य विभागाचे सर्वांच्या वतिने केलेल्या या कामाचे मनःपुर्वक धन्यवाद व आभार ही मानलेत.
गणेश भक्तांनो आपण हे करू या :-
1 ) आपल्या बाप्पाला पर्यावरण पूरकच निरोप देऊया . • विसर्जन कुंडामध्येच गणपती मूर्तीचे विसर्जन करा . • निर्माल्य टाकण्यासाठी निर्माल्य वाहनाचा किंवा निर्माल्यकुंडाचा वापर करा . • नदी , तलाव , शहर आणि त्यालगतचा परिसर स्वच्छ ठेवून निसर्गाचा आणि बाप्पाचा आदर राया .
2 ) ऐकूया बाप्पाचा संदेश , स्वच्छ ठेवूया आपला प्रदेश ! आपला परिसर स्वच्छ व प्रदूषण मुक्त ठेवून पर्यावरण पूरक गणेशोत्सव साजरा करुया !
3 ) नका करू निसर्गाचा -हास , स्वच्छ परिसरात लाभेल बाप्पाचा सहवास … आपला परिसर स्वच्छ व प्रदूषण मुक्त ठेवून पर्यावरण पूरक गणेशोत्सव साजरा करुया !
4 ) नद्या – तलाव नाही निर्माल्य फेकण्याची जागा , जलप्रदूषण करु नको स्वच्छतेला बाधा या गणेशोत्सवात जमा होणारे • निर्माल्य पालिकेच्या निर्माल्य कुंडातच टाकूया आणि आपल्या परिसर स्वच्छ व निरोगी राखूया .