न्यू सिटी प्राईड स्कूल, पिंपळे सौदागर येथे … ‘विठ्ठल नामाची शाळा भरली’!

महाराष्ट्र 14 न्यूज, (दि.११ जुलै)विठ्ठल नामाची शाळा भरली’! न्यू सिटी प्राईड स्कूल पिंपळे सौदागर *सोहळा’वारकऱ्यांच्या वेशभूषेतील लहान मुले, पालखी मिरवणूक आणि विठू नामाचा गजर’, अशा विठ्ठलमय वातावरणात शहरातील न्यू सिटी प्राईड स्कूल पिंपळे सौदागर शाळेत विद्यार्थ्यांचा दिंडी मिरवणूक सोहळा रंगला .

‘वारकऱ्यांच्या वेशभूषेतील लहान मुले, पालखी मिरवणूक आणि विठू नामाचा गजर’, अशा विठ्ठलमय वातावरणात पिंपरी चिंचवड शहरातील न्यू सिटी प्राईड स्कूल शाळेत विद्यार्थ्यांचा दिंडी सोहळा रंगला. विठ्ठल-रखुमाई, संत ज्ञानेश्वर, संत तुकाराम, वासुदेव व अन्य संतांच्या वेशभूषा केलेले विद्यार्थी दिंडी सोहळयात आकर्षण ठरले.

दरवर्षी प्रमाणे यंदाही न्यू सिटी प्राईड स्कूल मध्ये आषाढी एकादशी दिंडी सोहळा मोठ्या उत्साहात पार पडला. शाळेतील सर्व मुला-मुलींनी यावेळी वारकऱ्यांचे पोशाख परिधान केले होते. कोणी विठोबा तर कोणी वासुदेव बनले होते. सकाळी शाळेच्या मैदानावर पालखी सोहळा पार पड़ताच पंढरपुरच्या वारीप्रमाणेच रिंगणच देखिल ईथे आयोजन करण्यात आले होते, मुलांच्या हातात भगवे झेंडे तर मुलींच्या डोक्यावर तूळशी वृंदावन हे बघून हे जणू खरच पंढरपुरच्या वारीला निघाल्याचा भास होत होता.

एरवी शाळेच्या गणवेशात असलेले लहान मुलं मुली आज मात्र पांढरा झब्बा, डोक्यावर टोपी, कपाळी बुक्का, गळ्यात टाळ आणि नऊवारीत आलेल्या मुली, केसात गजरा, डोक्यावर तुळस आणि विठ्ठल नामाची शाळा भरली, शाळा शिकताना तहान भूक हरली’ या अभंगाप्रमाणे विठ्ठल रखुमाईच्या भक्तीत दंग झालेले बाल वारकरी बॉईज टाऊन मध्ये अवतरले. यावेळी ज्ञानाच्या मंदिरात भोळ्या विठ्ठलाच्या हरिनामाचा गजर झाला. अन अवघी शाळा दिंडी सोहळ्याच्या भक्तीरसात तल्लीन झाल्याचे पाहायला मिळाले. दिंडी न्यू सिटी प्राईड स्कूलच्या मैदानातून निघाली शिवार चौक ते न्यू सिटी प्राईड स्कूलच्या मैदानात परत आली .

संस्थेचे संस्थापक अरुण चाबुकस्वार सा . कार्यकर्ते -बाळासाहेब कुटे व बाळासाहेब शेंडगे व त्यांच्या सहकारी शिक्षकांनी आणि रहीम शेख यांनी ‘जय जय राम कृष्ण हरी ,रूप पाहता लोचनी सुख झाले हो साजणी, ज्ञानोबा माऊली तुकाराम’ या अभंगांचे गायन करून टाळ व वीणा यांच्या तालावर ठेका धरत नृत्य तसेच विठ्ठल फुगडी खेळून प्रत्यक्षात श्रीक्षेत्र पंढरपुरातील भक्तिमय वातावरण न्यू सिटी प्राईड शाळेच्या क्रीडागंणावर निर्माण केले. विद्यार्थी आणि शिक्षकानी पारंपारिक वारकरी वेशभूषा, तुळशी व भगवद्ध्वज घेऊनअभंगाच्या ठेक्यावर नृत्य व फुगडीचा आनंद घेऊन या नयनरम्य सोहळ्यात आपली भक्ती अभिव्यक्त केली. रिंगण आटोपल्यावर टाळ मृदुंगाच्या गजरात विठुरायाचे नामस्मरण करून भजने गात आणि पसायदान म्हणत ह्या सोहळ्याचा शेवट झाला.सूत्रसंचालन सौ. साळवी मॅडम आणि आभार सचिन सर यांनी केले .