महाराष्ट्र 14 न्यूज, (दि.०३जुलै) : केंद्र सरकारने वाढवलेल्या घरगुती गॅस, इंधन दरवाढ व महागाई विरोधात पिंपरी चिंचवड शहर राष्ट्रवादी काँग्रेसने तर्फे पेट्रोल, डिझेल, गॅस दरवाढ, महागाई विरोधात राष्ट्रवादी कॉंग्रेस पार्टीच्या कार्यकर्त्यांनी पिंपरी येथील आंबेडकर पुतळा चौकात निदर्शने केली. केंद्र सरकार, पंतप्रधान नरेंद्र मोदी यांच्या विरोधात जोरदार घोषणा देण्यात आल्या. देशातील शेतकरी व जनतेला भूलथापा देऊन सत्तेवर आलेल्या केंद्र सरकारने दरवाढ मागे घ्यावी, अशी मागणी आंदोलकांनी केली.
यावेळी राष्ट्रवादी शहर अध्यक्ष संजोग वाघेरे पाटील , कार्याध्यक्ष प्रशांत शितोळे, अर्बन सेल अध्यक्ष माधव पाटील , गंगा ताई धेंडे , शबाना पठाण , कविता खराडे , निलेश पुजारी , मुकेश खनके अक्षय फुगे , स्नेहा शिंदे , जॉन डिसोजा आदी उपस्थित होते.
यावेळी अर्बन सेलच्या समन्वयक ‘सुप्रिया काटे’ म्हणाल्या की गॅस आणि पेट्रोल दरवाढीमुळे घरचे बजेट कोलमडले आहे. आधीच कोरोना काळात माणसांच्या उत्पन्नामध्ये घट झाली आहे आणि त्यात गॅस दरवाढ झाली आहे.दरवाढ मागे नाही घेतली तर येणाऱ्या निवडणुकीत जनता भाजपला धडा शिकवेल.
13 Comments