Categories: Uncategorized

एक्झिट पोल आला समोर … अजितदादांनी रात्रीचा दिवस करूनही चिंचवडमध्ये राष्ट्रवादीची परिस्थिती अवघड तर, कसब्यात धक्कादायक निकाल लागणार?

महाराष्ट्र 14 न्यूज, (दि.०१ मार्च) : स्वर्गीय आमदार लक्ष्मण जगताप आणि मुक्ता टिळक यांच्या निधनामुळे लागलेली चिंचवड आणि कसबा विधानसभेच्या पोटनिवडणुकीचा निकाल ०२ तारखेला लागणार आहे. यामध्ये भाजपच्या उमेदवार अश्विनी लक्ष्मण जगताप, महाविकास आघाडीचे उमेदवार विठ्ठल उर्फ नाना काटे आणि अपक्ष राहुल तानाजी कलाटे यांच्यात तिरंगी लढत होत आहे. तर कसब्यात भाजपच्या हेमंत रासने आणि महाविकास आघाडीच्या रवींद्र धंगेकर यांच्यात लढत होत आहे.

यामुळे याकडे सर्वांचे लक्ष लागले आहे. दोन्ही मतदार संघात उमेदवारांनी आपल्या विजयाचा दावा केला आहे. असे असताना आता चिंचवड विधानसभेच्या पोटनिवडणुकीचा एक्झिट पोल नुकताच समोर आला आहे. या पोलनुसार ही जागा भाजपच जिंकेल असा अंदाज वर्तवण्यात आला आहे.

यामुळे अजित पवारांना हा मोठा धक्का मानला जात आहे. तर भाजपच्या गोटात आनंदाचे वातावरण असल्याचे पहायला मिळत आहे. दरम्यान, या पोलनुसार ही जागा भाजपच जिंकेल असा अंदाज वर्तविण्यात आला आहे.

२ तारखेला होणाऱ्या मतमोजणी वरून सर्व गोष्टी समोर येतील. याबाबत तिन्ही उमेदवारांनी विजयाचा दावा केलेला असला तरी एक्झिट पोलने मात्र वेगळेच चित्र दाखवले आहे. कसब्यात मात्र महाविकास आघाडीचा उमेदवार जिंकेल असे म्हटले जात आहे.

चिंचवडमध्ये अश्विनी लक्ष्मण जगताप भाजप ४५% – ४७%, तसेच नाना काटे राष्ट्रवादी : ३१% – ३३% आणि राहुल कलाटे अपक्ष १८% – २०% असे मतदान होण्याची शक्यता आहे. तर, असे असताना कासब्यातील मतमोजणीपूर्वीच एक एक्झिट पोल व्हायरल झाला असून यामध्ये रवींद्र धंगेकर सरळ बाजी मारताना दिसत आहेत. यामुळे भाजपचे टेन्शन वाढले आहे. स्ट्रेलीमा या संस्थेचा एक्झिट पोल व्हायरल झाला आहे.

तर, सध्या चिंचवड बरोबर कसबा पेठ विधानसभा पोटनिवडणूकीच्या निकालाकडेही राज्याचे लक्ष लागले आहे. ही निवडणूक अत्यंत चुरशीची मानली जात आहे. यात धंगेकर बाजी मारणार की रासने भाजपचा कसब्याचा गड राखणार याची उत्सुकता संपूर्ण महाराष्ट्राला आहे .आता २ तारखेला सगळं समोर येईल.

या एक्झिट पोल नंतर चिंचवड मध्ये भाजपच्या तर कसब्यात महाविकास आघाडीच्या कार्यकर्त्यांमध्ये आनंदाचे वातावरण दिसत आहे. आता हा आनंद २ तारखेपर्यंत टिकणार का? आणि कोण कोठे विजयी गुलाल खेळणार याकडे सर्वांचे लक्ष लागले आहे.

Maharashtra14 News

Recent Posts

भरपावसात संत तुकाराम महाराजांच्या पालखीचे प्रस्थान; मुख्यमंत्री फडणवीसांनी आमदार शंकर जगताप यांच्यासह खेळली फुगडी

महाराष्ट्र 14 न्यूज, दि.१८ जून : जगद्गुरु संत तुकाराम महाराज यांचा ३४० वा पालखी प्रस्थान…

1 week ago

तळेगाव दाभाडे येथील कुंडमळा येथील पूल दुर्घटनेत 4 मृत्यू तर 51 जखमी..!

महाराष्ट्र 14 न्यूज, दि.१५ जून : तळेगाव दाभाडे पोलिस स्टेशन हद्दीतील कुंडमळा (इंदुरी) येथील इंद्रायणी…

2 weeks ago

आकुर्डी येथील पालखी मुक्कामाच्या ठिकाणाची व वारकरी भवनाच्या नियोजित जागांची आयुक्तांकडून पाहणी

महाराष्ट्र 14 न्यूज, (पिंपरी, २ जून २०२५) : पिंपरी चिंचवड महानगरपालिकेच्या वतीने आषाढीवारी पालखी सोहळ्यासाठी…

4 weeks ago

छत्रपती कारखान्याचा कारभार दोन वर्गमित्रांकडे … जाचक नवे अध्यक्ष; तर कैलास गावडे नवे उपाध्यक्ष !

महाराष्ट्र 14 न्यूज, दि.२७ मे : इंदापूर तालुक्यातील छत्रपती सहकारी साखर कारखान्याच्या संचालक मंडळाच्या निवडणुकीत…

1 month ago