Categories: Uncategorized

पिंपरी, चिंचवड आणि भोसरी या तिन्ही विधानसभा मतदारसंघातील महाविकास आघाडीचे उमेदवार ठरले, तर कोण करणार बंडखोरी?

महाराष्ट्र 14 न्यूज, (दि.२५ ऑक्टोबर) : पिंपरी, चिंचवड आणि भोसरी या तिन्ही विधानसभा मतदारसंघातील महायुतीचे उमेदवार ठरले असताना महाविकास आघाडीत कोणता मतदारसंघ कोणत्या पक्षाकडे राहणार, हे चित्र आज उशिरा स्पष्ट झाले . महाविकास आघाडीने आगामी विधानसभा निवडणुकांसाठी आपली उमेदवारांची यादी जाहीर केली आहे. भोसरी, पिंपरी आणि चिंचवड या चार महत्त्वाच्या मतदारसंघांतील निवडणुकीसाठी उमेदवारांची अधिकृत घोषणा करण्यात आली आहे. महाविकास आघाडीचा पिंपरी मतदारसंघातील तिढा सुटल्यानंतर आता चिंचवड आणि भोसरी मतदारसंघातीलही तिढा सुटला आहे. शहरातील तिन्ही मतदारसंघ राष्ट्रवादी (शरद पवार) पक्षाला सुटले आहेत.

भोसरीत राष्ट्रवादी काँग्रेसच्या शरद पवार गटाचे अजित गव्हाणे, चिंचवडमधून राहुल कलाटे, तर पिंपरी  सुलक्षणा धर यांना उमेदवारी देण्यात आली आहे. चिंचवडमध्ये खासदार अमोल कोल्हे यांनी राहुल कलाटे यांच्या तिकीटासाठी जोरदार प्रयत्न केले, अशी चर्चा राजकीय वर्तुळात आहे. यामुळे या मतदारसंघातील राजकीय हालचालींना वेग आला आहे.

महायुतीने शहरातील उमेदवार जाहीर करून आठ दिवस झाले. परंतु, महाविकास आघाडीतील गोंधळ कायम होता. अर्ज दाखल करण्यासाठी अवघे दोन दिवस शिल्लक असतानाही महाविकास आघाडीत चिंचवड आणि भोसरी मतदारसंघावरून रस्सीखेच सुरू होती. त्यामुळे इच्छुकांमध्ये धाकधूक वाढली होती.

भोसरीत उद्धव गटाचे इच्छुक उमेदवार रवी लांडगे यांचा पत्ता कट झाल्याने त्यांच्या समर्थकांमध्ये नाराजीचे वातावरण आहे. काही समर्थकांनी सोशल मीडियावर “फिक्स आमदार” व “भावी आमदार” अशा पोस्ट केल्या होत्या, परंतु आजच्या यादीत रवी लांडगे यांचे नाव वगळण्यात आले. उमेदवारी न मिळाल्यामुळे भोसरीत आता लांडगे बंड करतील का, यावर चर्चा रंगू लागली आहे. महाविकास आघाडीतील सर्व कार्यकर्ते एकत्र येऊन अजित गव्हाणे यांच्या प्रचाराला साथ देतील का, हे पाहणे उत्सुकतेचे ठरणार आहे.

तर चिंचवडमधून उमेदवारी मिळवण्यासाठी तिन्ही इच्छुक नेत्यांनीशरद पवारांची भेट घेतली होती. या भेटीत तिघांना एकमत करण्याच्या सूचना शरद पवारांनी दिल्या होत्या. त्यामुळं या तिघांचं एकमत झालं नाही तर पवार स्वतः एकाच्या नावाची घोषणा करणार होते. त्यानंतर आज चिंचवडमधून राहुल कलाटे यांना उमेदवारी देण्यात आली त्यानंतर आता नाना काटेंच्या भुमिकेकडे सर्वांचं लक्ष्य लागलं होतं. त्यानंतर आता नाना काटे बंडखोरी करण्यावर ठाम असल्याची माहिती समोर आली आहे.

Maharashtra14 News

Recent Posts

भरपावसात संत तुकाराम महाराजांच्या पालखीचे प्रस्थान; मुख्यमंत्री फडणवीसांनी आमदार शंकर जगताप यांच्यासह खेळली फुगडी

महाराष्ट्र 14 न्यूज, दि.१८ जून : जगद्गुरु संत तुकाराम महाराज यांचा ३४० वा पालखी प्रस्थान…

2 weeks ago

तळेगाव दाभाडे येथील कुंडमळा येथील पूल दुर्घटनेत 4 मृत्यू तर 51 जखमी..!

महाराष्ट्र 14 न्यूज, दि.१५ जून : तळेगाव दाभाडे पोलिस स्टेशन हद्दीतील कुंडमळा (इंदुरी) येथील इंद्रायणी…

2 weeks ago

आकुर्डी येथील पालखी मुक्कामाच्या ठिकाणाची व वारकरी भवनाच्या नियोजित जागांची आयुक्तांकडून पाहणी

महाराष्ट्र 14 न्यूज, (पिंपरी, २ जून २०२५) : पिंपरी चिंचवड महानगरपालिकेच्या वतीने आषाढीवारी पालखी सोहळ्यासाठी…

4 weeks ago

छत्रपती कारखान्याचा कारभार दोन वर्गमित्रांकडे … जाचक नवे अध्यक्ष; तर कैलास गावडे नवे उपाध्यक्ष !

महाराष्ट्र 14 न्यूज, दि.२७ मे : इंदापूर तालुक्यातील छत्रपती सहकारी साखर कारखान्याच्या संचालक मंडळाच्या निवडणुकीत…

1 month ago