महाराष्ट्र 14 न्यूज, (दि.२७मे) : कोरणाच्या पार्श्वभूमीवर नागरिकांची प्रतिकार शक्ती वाढावी या भावनेतून दापोडी येथील सी एम ई गेट समोरील पदपथावर ओपन जिम सुरू करावी अशी मागणी असलेले निवेदन राष्ट्रवादी काँग्रेसच्या वतीने सुप्रिया साळवे (काटे) आणि अस्मिता कांबळे (मोरे) यांनी पिंपरी चिंचवड मनपा आयुक्त राजेश पाटील, महापौर माई ढोरे, आणि उपमहापौर हिराबाई (नानी) घुले यांना दिले आहे.
या निवेदनात सुप्रिया साळवे आणि अस्मिता कांबळे यांनी म्हटले आहे की, दापोडी प्रभाग क्रं.३० या प्रभागाची लोकसंख्या पाहता आणि खाजगी जिमची वाढलेली फी पाहता ती सामान्य नागरिकांना परवडणारी नाही. दापोडी भागात सर्वसामान्य नागरिक राहतात कोरोनाच्या या महामारीत अगोदरच हाताला काम नाही त्यामुळे नागरिक आर्थिक विवंचनेत आपले कुटुंब चालवत आहेत.
तसेच याकाळात आरोग्यासाठी व्यायाम करण्याची गरज आहे, परंतु पैशाअभावी खाजगी जिम सुरू झाल्यानंतर त्या ठिकाणी जाणे, या नागरिकांना परवडणारे नसल्याने CME गेट समोर असलेल्या पादचारी मार्गावर ओपन जिम सुरू करावी म्हणजे कोरोनाच्या पार्श्वभूमीवर नागरिकांना ती फायदेशीर ठरू शकते. अशी मागणी निवेदनात सुप्रिया साळवे आणि अस्मिता कांबळे यांनी केली आहे.
1 Comment