महाराष्ट्र 14 न्यूज, ( दि. २४ मे २०२१) : पिंपरी चिंचवड महानगरपालिका वैद्यकीय विभागाने दिलेल्या माहितीनुसार आज सोमवार ( दि.२४ मे २०२१ ) रोजी पिंपरी चिंचवड शहरातील ४२३ रुग्णांचा तपासणी अहवाल कोरोना पॉझिटीव्ह आला या सर्वांवर पिंपरी चिंचवड मनपा रुग्णालयात उपचार सुरू आहेत. तर ६२६ रुग्ण हे कोरोना मुक्त झाल्याने त्यांना घरी सोडण्यात आले आहेत. तर ३९ रुग्णांचा कोरोनामुळे मृत्यू झाला यातील २४ रुग्ण हे पिंपरी चिंचवड शहरातील तर १५ रुग्ण हे पिं. चिं. मनपा हद्दीबाहेरील आहेत.
पिंपरी चिंचवड शहरातील रुग्ण संख्या गेल्या आठ दिवसात झपाट्याने कमी होताना दिसत आहे. कोरोनाच्या संसर्गाचे प्रमाण अडीच हजारावरून आज पाचशेच्या आत आले आहे. हेच प्रमाण मार्च एप्रिल महिन्यात दररोज वाढताना दिसत होते, त्याला कुठे तरी ब्रेक दि चेन चा ब्रेक लागल्याचे आज तरी दिसत आहे. त्यामुळे आज निम्म्याहून अधिक बेड हे रिकामे दिसत आहेत. त्यामुळे रुग्णांच्या नातेवाईकांची धावपळ कमी झाल्याचे दिसत आहे, हे चित्र असेच राहिले तर लवकरच यातून सुटका होईल असे वाटते, पण हे सगळे आपल्या हातात आहे, याची शहरातील सुजाण नागरिकांनी लक्षात घ्यायला हवे एवढचं …
पिं.चिं.म.न.पा. मार्फत सर्व नागरिकांना आवाहन करण्यात येते की , अत्यावश्यक कारणाशिवाय घराच्या बाहेर पडू नये . तसेच घराबाहेर पडताना मास्क चा वापर करावा. मास्क, सुरक्षित अंतर आणि वेळोवेळी हात धुवण्याने करोना संसर्ग होत नाही हे सिद्ध झाले आहे. त्यामुळे घरातून बाहेर पडताना मास्क वापरणे आणि सुरक्षित अंतर ठेवणे बंधनकारक आहे.
7 Comments