महाराष्ट्र 14 न्यूज : पुण्याचे महापौर मुरलीधर मोहोळ यांनी कोरोनाच्या पार्श्वभूमीवर झालेल्या बैठकीत मुख्यमंत्री श्री. उद्धवजी ठाकरे आणि उपमुख्यमंत्री अजितदादा पवार यांच्या कोरोना आढावा बैठकीत मांडलेले मुद्दे…
१) ऑक्सिजन व आयसीयू बेडस, व्हेंटिलेटरची कमतरता.
२) टेस्टिंगची क्षमता वाढविणे.
३) खाजगी हॉस्पिटलवरचे नियंत्रण.
४) महापालिकेस आर्थिक मदत.
५) मृत्यूची चौकशी करावी, त्यामधील दोष दूर करून मृत्यूदर नियंत्रणात आणावा.
■ खाजगी हॉस्पिटल, बेड्स आणि अवाजवी बील आकारणी –
– ८०% बेड्स ताब्यात घेण्याचे आदेश आहेत, मात्र कार्यवाही नाही
– बिलामध्ये नागरिकांची प्रचंड लूट असल्याच्या तक्रारी आहेत, त्यामुळे बिलांचे प्रिऑडिट करावे
– सेंट्रली बेड्स मॅनेजमेंट तातडीनं करण्यात यावे
(ससून /मनपा /खाजगी हॉस्पिटल)
– खाजगी लॅबवर तूर्त तरी कोणतेही नियंत्रण नाही आणि प्रशासनाचा लॅबशी समन्वय नाही.
– उपजिल्हाधिकारी दर्जाचे अधिकारी नेमले आहेत, त्यांची यावर नियंत्रण आणावे
■ महापालिका आर्थिक स्थिती अहवाल –
– ४ हजार ४४३ कोटी जमा
– ३००० कोटी – महसुली / मॅन्डेटरी खर्च / पगार / मेन्टेनन्स
– १४०० – विकासकामे (६५० कोटी मागील वर्षीच्या विकासकामे)
– शिल्लक ८०० कोटी
– जवळपास ३०० कोटी + ७५ कोटी जम्बो सेंटरला
– भांडवली कामांसाठी शिल्लक ४०० कोटी राहिले, यासाठी दरवर्षी ३००० कोटींची कामे होतात.
– हा सर्व विचार करता राज्य सरकारने तातडीनं आर्थिक मदत जाहीर करावी
■ कोरोनाबाधित रुग्णांचा आगामी अंदाज…
– ५५ हजार होणार जुलैअखेर (अंदाज ४६ हजार इतका होता)
– आज २९ जुलै रोजी एकूण रुग्ण एकूण ५१ हजार ७३८ तर उपचार सुरू असणाऱ्या रुग्णांची संख्या १७ हजार ८६१ इतकी आहे.
अंदाज
१५ ऑगस्ट – एकूण १ लाख रुग्ण
३१ ऑगस्ट – एकूण २ लाख रुग्ण
– यामुळे बेड्सचीची कमतरता, ऑक्सिजन, आयसीयू आणि व्हेंटिलेटर बेड्स मोठ्या प्रमाणावर लागतील.
– जम्बो सेंटर उभे उभारणीपर्यंत व्यवस्थाही अपुरी, त्याची सोय तातडीनं करण्यात यावी.
– ७ हजार ऑक्सिजन बेड्स, ४ हजार ०६५ आयसीयू बेड्स आणि १ हजार ९०० व्हेंटिलेटर बेड्सची आवश्यकता असणार आहे.
■ मृत्यूंचे प्रमाण व अवस्था…
ससून रुग्णालयात दररोज रोज १२ मूत्यू कोरोनाव्यतिरिक्त होत आहेत, ही संख्या खाजगी हॉस्पिटलमध्ये महिन्याला ५० ते १००; म्हणजेच ढोबळपणे अधिक ४०० ते ५०० मृत्यू कोरोनाचे असतात, पण ते आकडेवारीत दर्शविले जात नाहीत.
– टेस्ट न होता हे मृत्यू होत आहेत, यात काही मृत्यू हॉस्पिटल पोहोचण्यापूर्वीचे आहेत.
– छातीच्या एक्स-रे ने अनेकांना कोरोनाचे निदान झाल्याची माहिती आहे.
– याबाबत सविस्तर चौकशी करुन भविष्यातील या मृत्युंची संख्या कमी करण्यासाठी प्राधान्याने प्रयत्न करावेत.
■ टेस्टिंग क्षमता वाढविणे…
– NIV आणि ससूनमध्ये चाचणीची मर्यादित क्षमता असल्याने ससूनमध्ये राज्य शासनाच्या माध्यमातून चाचण्यांची क्षमता वाढवण्यासाठीची यंत्रणा उभी करणे याबाबत दोन महिने चर्चाच होत आहे, ही यंत्रणा त्वरित कार्यान्वित करण्यात यावी.
7 Comments