महाराष्ट्र 14 न्यूज, (दि . ८ एप्रिल २०२१) : रेमडेसिवीर इंजेक्शन रूग्णालयाबाहेर ऍडमिट असलेल्या रुग्णांना अधिक किंमतीने विकत असल्याचे निदर्शनास आल्याने महापालिका आयुक्त राजेश पाटील यांनी शहरातील तीन रूग्णालयांना कारणे दाखवा नोटीस बजावली आहे .
या तीन रूग्णालयांमध्ये आदित्य बिर्ला हॉस्पीटल , लोकमान्य हॉस्पीटल यांचे संचालक तथा मुख्य कार्यकारी अधिकारी तसेच पिंपरी येथील डॉ . डी . वाय . पाटील हॉस्पीटलचे अधिष्ठीता तथा वैद्यकिय अधिक्षक यांचा समावेश आहे .
सध्याच्या परिस्थितीत रेमडेसिवीर इंजेक्शन विक्रीच्या अशा प्रथेमुळे लोकांमध्ये असंतोष निर्माण झाला आहे . याची सखोल चौकशी करुन पुढील ४८ तासात झालेल्या घटनेचा अहवाल द्यावा असे नोटीसीत नमुद केले आहे . साथरोग अधिनियम , १८ ९ ७ आणि आपत्ती व्यवस्थापन अधिनियम , २००५ अंतर्गत आपणा विरूध्द आवश्यक कारवाई का करू नये असे देखील नोटीसीत म्हटले आहे .
रेमडेसिवीर इंजेक्शनचा काळाबाजार सुरू असल्याने ही अतिशय गंभीर बाब असून, त्याची राज्य सरकारने तातडीने दखल घ्यावी. त्यावर तातडीने उपाययोजना करून पिंपरी-चिंचवडसाठी रेमडेसिवीर इंजेक्शनचा पुरेसा पुरवठा होईल याची दक्षता घ्यावी, अशी सूचना आमदार लक्ष्मण जगताप यांनी कालच दि. ०७ एप्रिल २९२१ राजी महापालिका आयुक्त राजेश पाटील यांना केली होती.
168 Comments