पिंपरी चिंचवड शहर सलुन व्यावसायिकांना ७ दिवसांच्या लॉकडाऊन नियमाममधुन वगळावे … महाराष्ट्र नाभिक महामंडळाने केली मागणी!

महाराष्ट्र 14 न्यूज : महाराष्ट्र नाभिक महामंडळ पिंपरी चिंचवड शहर संघटना नाभिक समाजाच्या विविध विषयांवरील समस्या सोडविण्याचे काम करत असते . पिंपरी चिंचवड शहरात सात दिवस होणाऱ्या मिनी लॉकडाऊन मधून आम्हाला वगळावे असे निवेदन महामंडळाच्या वतीने महानगरपालिका आयुक्त राजेश पाटील यांना देण्यात आले, यात म्हटले आहे, की आपण दिलेल्या दि . २/४/२०२१ च्या जी . आर . मध्ये आपण सलुन व पार्लर व्यावसायिकांना त्यांच्या आस्थापना बंद करण्यासाठी निर्देश दिले आहेत .

सामान्य सलुन व्यवसाय जो फक्त दाढी व कटिंग करुन रोज आपले पोट भरत असतो . असा सामान्य व्यावसायीकांना त्यांचे व्यवसाय बंद करण्यास सांगुन त्यांच्यावर अन्याय होत आहे . त्यामुळे त्यांच्यावर उपासमारीची वेळ येईल . तसेच पिंपरी चिंचवड शहरातील ९ ० % सलुन व्यावसायिकांची दुकाने व घरे सुध्दा भाडेतत्वावर आहेत . कित्येक व्यायसायिकांनी कर्जे घेवून आपली दुकाने चालु केली आहेत . या सर्वांवर लॉकडाऊनमुळे खुप मोठे संकट येईल . याचा मा . आयुक्त साो . यांनी विचार करावा .

🔴 नवी सांगवी फेमस चौक येथे 1 BHK फ्लॅट भाड्याने देणे आहे.
संपर्क : – 8️⃣9️⃣9️⃣9️⃣2️⃣8️⃣4️⃣8️⃣9️⃣5️⃣

पुणे शहरामध्ये रुग्णसंख्या जास्त असुनही तेथील सलून व्यवसाय चालु आहे . आम्ही पालिकेने दिलेल्या सर्व कोविड संदर्भीय नियमांचे पालन करुन व्यवसाय करीत होतो व आताही करत राहु . परंतु आम्हांला व्यवसाय बंद करण्यास सांगु नये . ही विनंती करणारे निवेदन आयुक्त राजेश पाटील यांना दिले आहे.

आमचे व्यवसाय चालु ठेवण्यास परवानगी नाही मिळाली तर आम्हांला आंदोलन करण्यावाचून काही उपाय राहणार नाही . याची शासनाने नोंद घ्यावी . असा इशाराही या निवेदनात देण्यात आला आहे.