महाराष्ट्र 14 न्यूज, (दि.२१ जुलै) : राष्ट्रपती निवडणुकीचा निकाल आज जाहीर झाला. या निवडणुकीसाठी सोमवारी अतिशय उत्साहात मतदान झाले होते. देशाची राजधानी दिल्लीमध्ये संसदेच्या उभय सदनातील खासदारांनी तर विविध राज्यांच्या राजधान्यांमध्ये विधानसभेच्या सदस्यांनी मतदान केले होते.
भारत देशाच्या राष्ट्रपती पदी पहिल्या आदिवासी महिला श्रीमती . द्रौपदी मुर्मु यांची बहुमताने निवड झाल्याबद्दल पिंपरी चिंचवड शहरातील भाजपच्या सांगवी काळेवाडी मंडलाच्या वतीने कार्यसम्राट आमदार लक्ष्मण भाऊ जगताप यांच्या मार्गदर्शनाखाली निवडणूक प्रमुख शंकर जगताप व मा.महापौर उषा ढोरे, विनोद तापकीर, कैलास सानप, माजी नगरसेवक नढे पाटील, शत्रुघ्न बापू काटे यांच्या उपस्थितीत काळेवाडी येथील पंचनाथ चौकात पेढे वाटून आनंदोत्सव साजरा ‘ करण्यात आला .
तसेच हिंदुस्थानच्या प्रथम आदिवासी महिल ‘द्रोपदी मुर्मू’ यांची राष्ट्रपतीपदी निवड झाल्याबद्दल पिंपळे गुरव येथील सर्व आदिवासी समाज बांधवांकडून माजी नगरसेविका उषा मुंडे आणि कार्यकर्त्यांनी एकमेकांना पेढे भरवून आदिवासी नृत्य सादर करत जल्लोष केल्याचे पाहायला मिळाले.
▶️द्रौपदी यांच्या विजयातून राजकीय संदेश
द्रौपदी मुर्मूंच्या विजयाची घोषणा होताच देशभरात जल्लोष सुरू झाला. द्रौपदींच्या विजयाने भाजपला आदिवासी समाजासह संपूर्ण देशाला आणि विशेषतः महिलांना एक विशेष संदेश द्यायचा होता. मुख्य प्रवाहापासून तुटलेल्या या समाजाला राजकीय संदेश देण्यासाठी पंतप्रधान मोदी आणि भाजप हे एकमेव पक्ष सत्तेसाठी नव्हे तर देशातील वंचित घटकांसाठी काम करतात, हे आज दिसून आले. त्यामुळेच विजयानंतर पोस्टरमध्ये द्रौपदी मुर्मूंसोबत इतर कोणत्याही नेत्याचा फोटो लावू नये, अशा सक्त सूचना पक्ष कार्यकर्त्यांना देण्यात आल्या आहेत. राष्ट्रपतीपदाच्या निवडणुकीपासून पक्षाने 2024 मध्ये होणाऱ्या सार्वत्रिक निवडणुकीची तयारी सुरू केल्याचे मानले जात आहे.