महाराष्ट्र 14 न्यूज, (दि.१४जुलै) : जगभरात प्रसिद्ध असलेल्या मुंबई विमानतळाचा ताबा आता अदानी एअरपोर्ट होल्डिंग्स लिमिटेडने (AAHL) घेतला आहे. मुंबई इंटरनॅशनल एअरपोर्ट लिमिटेडच्या (MIAL) मंडळाची बैठक मंगळवारी पार पडली. या बैठकीत मुंबई विमानतळाच्या देखभाल आणि हाताळणीची जबाबदारी जीव्हीके समूहाकडून अदानी समूहाकडे देण्याचा निर्णय झाला आहे.
त्यामुळे जीव्हीके समूहाचा छत्रपती शिवाजी महाराज आंतरराष्ट्रीय विमानतळ आणि नवी मुंबईत होऊ घातलेल्या विमानतळाशी असलेला संबंध संपला आहे. मुंबई विमानतळाच्या देखभाल आणि हाताळणीची जबाबदारी मिळाल्याची माहिती अदानी समूहाचे अध्यक्ष गौतम अदानी यांनी ट्विटरच्या माध्यमातून दिली.
जागतिक दर्जाच्या मुंबई आंतरराष्ट्रीय विमानतळाच्या देखभाल आणि हाताळणीची जबाबदारी देण्यात आल्याबद्दल आम्हाला आनंद आहे. आम्ही मुंबईला अभिमान वाटेल असे काम करण्याचे मी वचन देतो. अदानी समूह व्यवसाय, विश्रांती आणि मनोरंजनासाठी भविष्यात विमानतळ परिसंस्था तयार करेल. आम्ही हजारो नवे जॉब्स निर्माण करू, असे गौतम अदानी त्यांच्या ट्विटमध्ये म्हणाले
यावर्षी फेब्रुवारीत अदानी समूहाने एमआयएएलमध्ये २३.५ टक्के हिस्सा १,६८५.२ कोटी रुपयांना खरेदी केला होता. याआधी हा हिस्सा एसीएसए ग्लोबल लिमिटेड (ACSA) आणि बिड सर्व्हिसेस डिव्हिजन (मौरिशस) लिमिटेड (बिडवेस्ट) यांच्या नावे होता. अदानी समूहाचा जीव्हीके समूहासोबत असलेला वाद संपल्यानंतर ते मुंबई विमानतळातील ७४ टक्के हिस्सा खरेदी करणार असल्याचे म्हटले जात आहे.
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…
महाराष्ट्र 24 न्यूज, दि.२५ एप्रिल : मावळ लोकसभा मतदारसंघातील शिवसेना-भाजपा-राष्ट्रवादी-आरपीआय-मनसे-रासपा व मित्रपक्ष महायुतीचे उमेदवार श्रीरंगआप्पा…
महाराष्ट्र 14 न्यूज, (उरण, दि. 25 एप्रिल) : गरीब कष्टकरी व आदिवासी लोकांना न्याय मिळवून…
महाराष्ट्र 14 न्यूज, दि.२३ एप्रिल : उपमुख्यमंत्री अजित पवार यांचे चिरंजीव पार्थ पवार यांना वाय…
महाराष्ट्र 14 न्यूज, दि.२३ एप्रिल : मावळ लोकसभा निवडणुकीसाठी १३ मे रोजी मतदान होणार आहे…
महाराष्ट्र 14 न्यूज, दि. १९ (प्रतिनिधी) -* पिंपरी-चिंचवड शहर स्वच्छ व सुंदर करण्याच्या मोहिमेत महिला…