महाराष्ट्र 14 न्यूज, (दि.३० नोव्हेंबर) : महाराष्ट्र कोष्टी समाज सेवा मंडळ व विटा यंत्रमाग औद्योगीक सहकारी संघाच्या संयुक्त विद्यमाने विटा यंत्रमाग सभागृहामध्ये पारंपारीक विणकाम करणाऱ्या विणकरांच्या समस्यांबाबत विचारविनिमय व उपाययोजनांची चर्चा करण्यासाठी राज्यातील विविध क्षेत्रातील तज्ञांच्या उपस्थितीमधे वस्त्रोद्योग परीषद संपन्न झाली . ही परिषद ऑफ लाईन व ऑनलाईन पद्धतीने झाली . इचलकरंजी , फलटण , पेठवडगांव , विटा , वडवणी , कोल्हापुर , नाशिक , पुणे , मुंबई ठिकाणाहून आदी परिषदेस उद्योजक उपस्थित होते .
या परिषदेच्या अध्यक्षस्थानी कोष्टी सेवा मंडळांचे अध्यक्ष प्रकाशराव सातपुते होते . परीषदेच्या चर्चासत्रामध्ये वीज प्रश्न दरप्रश्री वीज तज्ञ प्रताप होगाडे , निर्यात संधीबाबत पॉवरलूम डेव्हलपमेंट एक्सपोट्र्सचे गजाननराव होगाडे , बँक क्षेत्रातील समस्यांबाबत इचलकरंजी जनता बैंक संचालक महेश सातपुते तर विकेंद्रीत यंत्रमागासमोरच्या समस्या व इचलकरंजी उपाययोजनांबाबत पॉवरलूम असशिएशनचे अध्यक्ष सतिश कोष्टी , देवांग समाज अध्यक्ष दत्ताभाऊ चोथे यांनी स्वागत केले .
प्रास्ताविकामध्ये महाराष्ट्र कोष्टी सेवा मंडळांचे अध्यक्ष प्रकाशराव सातपुते यांनी विणकाम व्यवसाय असलेल्या कोष्टी समाजाच्या पारंपारीक विणकाम क्षेत्रातील समस्यांबाबत या चर्चासत्रातुन चर्चा होऊन एक सर्वकष निवेदन राज्यातील व केंद्रातील शासन प्रतिनिधींना देऊन या समस्या दूर करण्यासाठी प्रयत्न करणार आहे . वीज तज्ञ प्रतापराव होगाडे यांनी महाराष्ट्रातील विद्यमान वीज दर व सवलतींबाबत माहीती देऊन शेजारच्या कर्नाटक , गोवा सारखी इतर राज्ये रोजगारनिर्मीतीसाठी वस्त्रोद्योगास देऊ करीत असलेल्या वीजदर सवलतींबाबत माहीती दीली व मार्गदर्शन केले .
गजाननराव होगाडे यांनी साध्या यंत्रमागावरदेखील निर्यातक्षम कापडउत्पादन घेता येते व वसेद्योगाच्या एकुण निर्यातीमध्ये साध्या यंत्रमागाच्या कापडनिर्यातीचा वाटा खुप मोठा असून केवळ ग्रे कापड विक्री करण्याएवजी मुल्यावर्धित कापड . उत्पादन करून फायदेशीर व्यवसाय करण्यासाठी तरुण यंत्रमागधारकांनी पुढे आले पाहीजे व त्यासाठी पॉवरलूम डेव्हलपमेंट कार्पोरेशन सहकार्यासाठी तयार असल्याचे सांगितले .
किरण तारळेकर म्हणाले , विकेंद्रीत यंत्रमाग व्यवसाय गेल्या पांच सहा वर्षापासून कमालीचा अडचणीतुन जात असून याचे मुळ केंद्राच्या कापूस व आयात निर्यात धोरणामध्ये असुन कापसाचा समावेश कमोडोटी मार्केटमधे झाल्यापासुन दररोजच्या तेजीमंदीमुळे कापुस व पर्यायाने सुत व कापडदरात अस्थिरता येत असल्याने खरेदी विक्रीचे दिर्घकालीन धोरण घेता येत नसल्याचे नमुद केले तसेच कापुस व्यापारातील शुन्य व्याजदराचे प्रचंड भांडवल असलेल्या बहुराष्ट्रीय भांडवलदार कंपण्याचा हस्तक्षेप , साठेबाजी व कृत्रीम टंचाई करण्यामुळे व्यवसाय अस्थिर झाल्याने नमुद केले .
यावेळी अंकुशराव उकार्डे , उत्तमराव म्हेतर , नितीन गजानन दिवटे , राजेंद्र ढवळे , सुरेश म्हेत्रे यांचे मनोगत झाले . पत्रकार मिलिंद कांबळे , शितल सातपुते यांनी पाहिले . सुत्रसंचालन रामचंद्र निमणकर यांनी केले . सुरेश तावरे , सुनिल ढगे , अशोक भुते , भगवानराव गोडसे , दत्तात्रय ढगे , इचलकरंजीचे कोष्टी समाज अध्यक्ष विश्वनाथराव मुसळे , दयानंद लिपारे , मनोज खेतमर , अरुण वडेकर , सुधाताई ढवळे , प्राजक्ताताई होगाडे , वैभव म्हेत्रे , शिवाजीराव कलढोणे , विनोद तावरे , नितीन तारळेकर , उत्तमराव चोथे , सचिन रसाळ , राजू भागवत यांसह अनेक यंत्रमाग व्यवसायिक उपस्थित होते .
