महाराष्ट्र 14 न्यूज, (दि.१३ एप्रिल) :मनसे अध्यक्ष राज ठाकरे यांनी ठाण्यातील उत्तरसभेत राष्ट्रवादी काँग्रेसच्या नेत्यांवर सडकून टीका केली. राष्ट्रवादी काँग्रेसचे अध्यक्ष शरद पवार, खासदार सुप्रिया सुळे, उपमुख्यमंत्री अजित पवार आणि जलसंपदा मंत्री जयंत पाटीलयांची नावं घेऊन टीका केली.
सुप्रिया सुळे यांनी काही बोलायचं नाही, त्यांचे खायचे दात वेगळे आणि दाखवायचे सुळे वेगळे असा घणाघात राज ठाकरे यांनी केला. अजित पवार यांच्या घरी रेड पडते, पण तुमच्या घरी पडत नाही. याचं कारण मला कळेल का? असा सवाल राज ठाकरे यांनी उपस्थित केला होता.
सुप्रिया सुळे यांचं उत्तर
राज ठाकरे यांच्या टीकेला खासदार सुप्रिया सुळे यांनी शेलक्या शब्दात उत्तर दिलं आहे. राज ठाकरे म्हणतात अजित पवारांच्या घरी रेड झाली पण त्यांच्या घरी रेड झालेली नाही, राज ठाकरे यांची माहिती अपूर्ण आहे. एखादी करमणूक असते किंवा एखादा सिनेमा असतो, त्यात थोडा मसाला असतो त्यामुळे त्यांच्या भाषणाकडे एंटरटेनमेंट म्हणून बघा फारसं गांभीर्याने बघण्याची गरज नाही असा टोला सुप्रिया सुळे यांनी लगावला आहे.
राज ठाकरे यांनी आपल्या भाषणाचा ९५ टक्के भाग हा राष्ट्रवादीवर केलं आहे. त्यामुळे अर्थातच राष्ट्रवादी काँग्रेस राजकीय दृष्ट्या किती महत्त्वाचा आहे हे त्यातून नमुद होतं. राज ठाकरे यांच्या भाषणातील जे मुद्दे होते त्याचं आश्चर्य वाटलं. तो सगळा अटॅक हा वैयक्तिक होता.
देशासमोर, राज्यासमोर अनेक महत्त्वाचे प्रश्न आहेत. आज महागाईचं खूप मोठं आव्हान आहे. त्यावर आम्ही सगळ्यांनीच बोलावं, कारण आम्ही राजकीय पक्ष आहोत. लोकप्रतिनिधीचं काम आहे ते. पण त्यांनी या विषयांवर भाष्य केलं. ते इतिहासात रमल्या सारखे वाटले,
राज ठाकरे इतिहासात रमतात, त्यांनी इतिहास जरुर वाचावा, पण या देशाचं वास्तव बघावं, आज देशासमोर, महाराष्ट्रासमोर काय आव्हान आहे, महिलांचं महागाईने कंबरडं मोडलं आहे, युवांसाठी स्टार्टअप उपक्रम पुढे कसा नेऊ शकतो, यावर विचार करायला हवा, असं सुप्रिया सुळे यांनी म्हटलं आहे.
आम्ही राजकारणात एकमेकांवर टीक करण्यासाठी येत नाही, मी काम धोरणात्मक काम करते, लोकांच्या आयुष्यात बदल करण्यासाठी काम करते, असंही सुप्रिया सुळे यांनी स्पष्ट केलं
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…
महाराष्ट्र 24 न्यूज, दि.२५ एप्रिल : मावळ लोकसभा मतदारसंघातील शिवसेना-भाजपा-राष्ट्रवादी-आरपीआय-मनसे-रासपा व मित्रपक्ष महायुतीचे उमेदवार श्रीरंगआप्पा…
महाराष्ट्र 14 न्यूज, (उरण, दि. 25 एप्रिल) : गरीब कष्टकरी व आदिवासी लोकांना न्याय मिळवून…