महाराष्ट्र 14 न्यूज : करोनाबाधित रुग्णांवर उपचार करणा या लातूर शहरातील अल्फा सुपरस्पेशालिटी हॉस्पिटल या खासगी रुग्णालयाचे प्रमुख डॉक्टर दिनेश वर्मा यांच्यावर बुधवारी सकाळी सात वाजता प्राणघातक हल्ला झाला . सुदैवाने डॉक्टरांची प्रकृती आता धोक्याबाहेर आहे . त्यांच्यावर उपचार करणारे डॉक्टर पी.बी. कुलकर्णी यांनी ही माहिती दिली आहे . उदगीर शहरातील एका ७५ वर्षीय महिलेला दोन दिवसांपूर्वी अल्फा सुपर स्पेशालिटी रुग्णालयात दाखल करण्यात आले होते .
रुग्णालयात दाखल करताना त्यांची प्रकृती चिंताजनक होती . नातेवाईकांच्या आग्रहाखातर त्यांना रुग्णालयात दाखल करून घेण्यात आले . मागील दोन दिवस त्यांच्या प्रकृती बद्दल नातेवाईकांना डॉक्टरांनी कल्पना दिली होती , त्यांना मधुमेह होता व ऑक्सिजन पुरवठाही शरीरात कमी होता . दरम्यान बुधवारी पहाटे सव्वा पाच वाजेच्या दरम्यान त्यांचे निधन झाले . डॉक्टर दिनेश वर्मा हे रात्री दोन वाजेपर्यंत रुग्णालयात होते , पहाटे पुन्हा त्यांनी पाचनंतर रुग्णालयात रुग्णाची पाहणी सुरू केली होती .
दरम्यान , सकाळी सात वाजेच्या दरम्यान तिस – या मजल्यावर सहा – सात लोक उभे असलेली त्यांना दिसली . त्यापैकी तिघांच्या तोंडाला मास्क नव्हता , यामुळे डॉक्टरांनी त्यांना हटकले व त्यातील एकाने माझ्या आईचे निधन झालेले आहे आणि मी नाराज असल्याचे सांगत तो त्यांना वाटेल ते बोलू लागला . यावर डॉक्टरांनी त्यांना तुम्ही तोंडाला मास्क लावून या , आपण बोलू असे सांगितले . त्यानंतर या लोकांनी डॉक्टरवर हल्ला केला .
22 Comments