पत्रकारांना फ्रंटलाईन वर्कर दर्जा देऊन तातडीने लसीकरण करावे … बाळासाहेब थोरात यांनी केली मुख्यमंत्र्यांना विनंती!

महाराष्ट्र 14 न्यूज : राज्याचे महाविकास आघाडीतील मंत्री बाळासाहेब थोरात यांनी मुख्यमंत्री उद्धव ठाकरेंना एक पत्र दिले. यात त्यांनी म्हटले आहे की, ‘ कोरोनाच्या संकटकाळात आपण अत्यंत संयमाने महाराष्ट्राची काळजी घेत आहेत . लोकोपयोगी अनेक निर्णय आपण घेतले आहेत . आपल्या नेतृत्वाखाली महाविकास आघाडी महाराष्ट्राच्या हितासाठी कार्यरत आहे . एक विषय मात्र आपल्या निदर्शनास आणून देऊ इच्छितो , पत्रकार हे सातत्याने बातमीदारी करण्याच्या निमित्ताने घराबाहेर असतात .

त्यामुळे त्यांना कोरोना संसर्गाचा धोका जास्त आहे . त्यामुळे त्यांच्या कुटुंबीयांनाही धोका आहे . या सर्व पत्रकार मंडळींना फ्रंटलाईन वर्कर दर्जा देऊन त्यांचे तातडीने लसीकरण करण्यात यावे असे माझे मत आहे . तामिळनाडू . मध्य प्रदेश , ओडिसा , पश्चिम बंगाल , आंध्रप्रदेश या राज्यांतील सरकारने याबाबत निर्णय घेतला आहे . तरी आपण या संदर्भाने लवकरात लवकर सकारात्मक निर्णय घ्यावा , अशी विनंती महसूलमंत्री बाळासाहेब थोरात यांनी राज्याचे मुख्यमंत्री यांना केली आहे.