Categories: Uncategorized

मोफत पास योजनेला पिंपरी चिंचवड महानगरपालिकेची, या तारखेपर्यंत मुदतवाढ

महाराष्ट्र 14 न्यूज, (दि.१७ जुलै २०२३) : पिंपरी-चिंचवड महानगरपालिकेमार्फत दिव्यांग कल्याणकारी योजनेअंतर्गत  “दिव्यांग व्यक्तींना पीएमपीएमएलचे मोफत बसपास देणे”  आणि  “महानगरपालिका हद्दीतील ६० वर्षापुढील अंध व्यक्तीच्या सोबतीस असणा-या व्यक्तीस बस प्रवासाचा मोफत पास” या दोन योजनांअंतर्गत  ऑनलाईन पध्दतीने अर्ज करण्यासाठी १५ ऑगस्ट पर्यंत मुदतवाढ देण्यात आली आहे. या योजनांचा लाभ घेऊ इच्छिणा-या गरजूंनी  ऑनलाईन पध्दतीने अर्ज करावेत, असे आवाहन आयुक्त शेखर सिंह यांनी केले.

          महापालिकेच्या वतीने समाज विकास विभागामार्फत दिव्यांग कल्याणकारी योजनेअंतर्गत विविध योजना कार्यान्वित आहेत. महानगरपालिका हद्दीमध्ये राहणा-या दिव्यांग नागरिकांना तसेच महानगरपालिका हद्दीतील ६० वर्षापुढील अंध व्यक्तीच्या सोबतीस   असणा-या व्यक्तीला सन २०२३-२४ या आर्थिक वर्षाकरीता पीएमपीएमएलचे मोफत बसपास देण्याची योजना राबविली जाते. यासाठी पात्र लाभार्थ्यांकडून ऑनलाईन पध्दतीने अर्ज मागविण्यात आले होते. अर्ज स्विकृतीची मुदत दि. ३१ जुन २०२३ पर्यंत होती. ही  मुदत आता १५ ऑगस्ट पर्यंत  वाढवण्यात आली आहे.

 या योजनांचा लाभ घेऊ इच्छिणा-या गरजूंनी ऑनलाईन पध्दतीने अर्ज करावेत, सर्व नागरी सुविधा केंद्रांमध्ये ऑनलाईन पध्दतीने अर्ज स्विकृती उपलब्ध करण्यात आलेली आहे. जुन्या पासधारकांनी त्यांच्याकडील जुने मोफत बसपास कै. नारायण मेघाजी लोखंडे कामगार भवन, डॉ. बाबासाहेब आंबेडकर चौक, पुणे-मुंबई रोड, पिंपरी या ठिकाणी जमा करावेत,  दिव्यांग नागरीकांनी मोफत बसपासचा लाभ घेण्यासाठी दिलेल्या मुदतीतच ऑनलाईन पध्दतीने अर्ज दाखल करावा, असे आवाहन समाज विकास विभागाचे उप आयुक्त अजय चारठाणकर यांनी केले आहे.

या दोन्ही योजनांचे ऑनलाईन फॉर्म भरण्यासाठी योजनेच्या अटी व शर्तीनुसार आवश्यक असलेल्या कागदपत्रांची माहिती उपलब्ध करण्यात  आली असल्याचेही समाज विकास विभागाचे उप आयुक्त अजय चारठाणकर यांनी सांगितले  आहे.

Maharashtra14 News

Recent Posts

क्वालिटी कौन्सिल ऑफ इंडियाच्या अधिकाऱ्यांकडून पिंपरी चिंचवड महानगरपालिका राबवत असलेल्या उपक्रमांची पाहणी…

महाराष्ट्र 14 न्यूज, (पिंपरी) दि. २४ एप्रिल २०२५ : मुख्यमंत्री १०० दिवस उपक्रमाची पिंपरी चिंचवड…

3 days ago

पुणे जिल्हा अथलेटिक्स संघटनेच्या मान्यतेने पहिल्यांदाच सांगवी येथे सौ.सारिका कृष्णा भंडलकर यांच्या वतीने मॅरेथॉनचे आयोजन

महाराष्ट्र 14 न्यूज, (दि.१३ एप्रिल) : रविवार दिनांक 13 एप्रिल 2025 रोजी सौ.सारिका कृष्णा भंडलकर…

2 weeks ago

१५ ते १७ एप्रिल या कालावधीत पुणे शहर, ग्रामीण व पिंपरी चिंचवड शहरासाठी …. महिला आयोग आपल्या दारी’ उपक्रमाचे आयोजन

महाराष्ट्र 14 न्यूज,  दि. ०९ एप्रिल : पीडित महिलेला स्थानिक पातळीवर तात्काळ मदत मिळावी, कोणतीही…

2 weeks ago

पुणे मेट्रोच्या नावात पिंपरी चिंचवड नावाचा समावेश करा – आमदार शंकर जगताप

पिंपरी चिंचवड शहराचा दळणवळणाचा विकास आरखडा ठरवताना लोकप्रतिनिधींच्या सूचनांचा विचार करून निर्णय घेणार... : पुणे…

2 weeks ago

पिंपरी चिंचवड शहरातील रक्षक चौक येथील सबवेच्या कामाला गती; विहीत मुदतीत काम पुर्ण करण्याचे महापालिकेचे नियोजन

महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…

3 weeks ago

विधानसभेचं ‘उपाध्यक्षपद’ पिंपरीला … महायुतीकडून ‘अण्णा बनसोडे’ यांचा अर्ज दाखल

महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…

1 month ago