महाराष्ट्र 14 न्यूज, (दि.०७ जानेवारी २०२२) : नुकताच २०२१ वर्ष संपन्न झाले असून २०२२ वर्षाला प्रारंभ झाला आहे. २०२०-२१ या वर्षात जगभरात कोरोनाने थैमान घातला होता. ज्यात सर्व डॉक्टरांनी आपल्या जीवाची बाजी लावून सर्वसामान्यांच्या जीवाची काळजी घेतली. आपला दररोजचा जीवनप्रवासच या कोरोनाच्या संसर्गजन्य परिस्थितीने खंडित करून टाकला. त्यात डॉक्टरांची भूमिका महत्त्वाची ठरली. प्रसंगी आपला आनंद बाजूला ठेऊन अनेक रुग्णांच्या चेहऱ्यावर आनंद फुलविण्याचे काम त्यांनी या संकट काळात केले.
या कोरोनाच्या काळात अनेक मोठ मोठ्या स्पर्धा स्थगित करण्यात आल्या होत्या. परंतु आज आमदार चषक क्रिकेट सामन्याच्या माध्यमातून डॉक्टर, पोलिस, नगरसेवकांनी याचा आनंद घेतल्याचे आज पहायला मिळाले, निमित्त होते सांगवीत होणारे रोमहर्षक आमदार चषक क्रिकेट सामने…
२०२२ या नववर्षात क्रिकेट रसिकांसाठी मा.नगरसेवक शंकरशेठ जगताप यांच्या मार्गदर्शनाखाली क्रिकेट प्रेमी खेळाडूंना भरपूर मेजवानी आहे. या वर्षात एकूण ९२ संघात आमदार चषक क्रिकेट स्पर्धा होत आहेत. आज नवव्या दिवशी (शुक्रवार ०७ जानेवारी ) सकाळी ०८ वाजता नवी सांगवीतील PWD मैदानावर क्रिकेट समन्यांना सुरुवात झाली. आज झालेल्या सामन्यात शहरातील महिला डॉक्टर सहभागी झाल्याचे दिसून आले. कोरोनाच्या काळात त्यांना आपल्या आनंदाला हरवून गेल्या होत्या, परंतु क्रिकेटच्या मैदानावर आगमन होताच, त्यांचा उत्साह अगदी कौतुक करण्यासारखा होता.
डायनॅमिक डेंटिस्ट आणि सांगवी-पिंपळे गुरव डॉक्टर असोसिएशन यांच्यात सामना खेळला गेला. या झालेल्या चुरशीच्या रोमहर्षक सामन्यात डायनॅमिक डेंटिस्ट आणि सांगवी-पिंपळे गुरव डॉक्टर असोसिएशन यांच्यात कडवी झुंज पाहायला मिळाली यामध्ये सांगवी-पिंपळे गुरव डॉक्टर असोसिएशन (SPDA) ने हा सामना जिंकला. तर त्याच संघाच्या डॉ. भाग्यश्री डांगे ३३ रन काढून मॅन ऑफ द मॅच चा चषक पटकावला.
चिंचवड विधानसभेचे ‘आमदार लक्ष्मणभाऊ जगताप’ यांच्या वाढदिवसानिमित्त फुल पिच टेनिस बॉल आमदार चषक क्रिकेट स्पर्धाचे आयोजन माजी नगरसेवक ‘शंकरशेठ जगताप’ यांच्या मार्गदर्शनाखाली सांगवी येथील ‘पीडब्लूडी’ मैदान येथे करण्यात आले आहे. पिंपरी चिंचवड शहरात प्रथमच स्टंप मध्ये live कॅमेरा ची सोय उपलब्ध करण्यात आली आहे, हे या सामन्यांचे वैशिष्ट्य आहे. या आयोजनात अजय दुधभाते, निलेश जगताप तसेच मनीष कुलकर्णी यांचे योग्य नियोजन आणि मोलाचे सहकार्य लाभले असल्याचे दिसून येत होते.
आमदार चषक क्रिकेट सामन्याचे लाईव्ह थेट प्रेक्षपण http://Www.criclife.in अजयदादा दुधभाते, दिपक मंडले सर,प्रदिप गुळमिरे सर्व टीम यांनी अगदी साजेसे असे केले आहे,त्यामुळे क्रिकेट प्रेमींनी घरात बसून खेळाचा आनंद घेतला.
