महाराष्ट्र 14 न्यूज, (दि.२० फेब्रुवारी) : ती आली, तिनं पाहिलं,अन तिनं जिंकलं … पिंपळे गुरवमध्ये नगरसेवकांपासून ते जेष्ठांपर्यंत सर्वांनी घेतला ‘हॅप्पी स्ट्रीट’ चा आनंद! औचित्य होत आमदार लक्ष्मणभाऊ जगताप यांच्या वाढदिवसानिमित्त माजी नगरसेवक शंकरशेठ जगताप यांच्या संक्पनेतून आयोजित केलेल्या कला- क्रीडा आणि सांस्कृतिक कार्यक्रमाचे…
रविवारी म्हटलं की जरा काही वेगळं आणि हटके परंतु ते जर सर्वांच्या बरोबर एन्जॉय करायला मिळालं तर कोणाला नकोय, असाच काही हटके कार्यक्रम करण्याचे सांगवी पिंपळे गुरव मधील नागगसेवकांनी ठरवलं आणि आज रविवारी पहाटेच कृष्णा चौक ते काटे पुरम चौकाकडे नागरिकांचे अक्षरशः लोंढेचे लोंढे दिसायला लागले, निळू फुले नाट्यगृहा समोर गर्दीचा महापूर दिसू लागला अन ती वेळ झाली अभिनेत्री सोनाली कुलकर्णी ची स्टेजवर एन्ट्री झाली.
गेम होस्ट आर जे अक्षय आणि टीम डान्स फ्लोअर स्टुडिओ साऊंड सिस्टमने ठेका धरला आणि संपूर्ण तरुणाईन गाण्याचा ठेका धरत कार्यक्रमात रंगात आणली, त्यात नगरसेवकही कुठे कमी पडले नाहीत, त्यांची पावलही अलगद या तालावर थिरकली, अन त्यांनीही या संगीताचा आनंद घेत नृत्य केले.
रस्ते गर्दीने अक्षरशः फुलले होते, काही जेष्ठ नागरिक घराच्या गच्चीतून आनंद घेत होते, पाहावं तिकडे गर्दीच गर्दी दिसत होती, अनेक प्रकारच्या खेळांचे प्रकार या हॅप्पी स्ट्रीट वर दिसून येत होते, लहान मुलांपासून ते महिला,पुरुष यांनी यात सहभाग घेतल्याचे दिसून येत होते. यात स्केटिंग, मल्ल खांब ,फुगडी , ढोल, झुंबा डान्स, गेम होस्ट, बॅलन्स, टॅटू, केक कटिंग,योग असे मजेदार कार्यक्रमांचा मनमुरादपणे आनंद नागरिक घेताना दिसत होते.
कार्यक्रमाचे नियोजन संयोजकांनी अगदी नाविन्यपूर्ण असे केले होते. त्त्यामुळे कोणतीही कमतरता जाणवली नाही. रस्त्यावर दुतर्फा झालर, कमानी, रांगोळ्या आणि नियोजन करण्यासाठी ठीक ठिकाणी बोउन्सर ठेवण्यात आले होते. सकाळी बरोबर सात वाजता शहराच्या महापौर माई ढोरे, सौ. अश्विनीताई जगताप आणि सर्व नगरसेवकांच्या उपस्थितीत नागरिकांना हात उंचावून कार्यक्रमाला सुरुवात झाली, यावेळी आमदार लक्ष्मणभाऊ जगताप यांची उपसथितीलक्षणिय ठरली कार्य्रमाकरीता आलेले नागरिक आणि बाल चमुना आमदार लक्ष्मण जगताप यांच्या बरोरीने सेल्फी घेण्याचा मोह आवरता आला नाही. बरोबर नऊ वाजता कार्यक्रमाची सांगता झाली.
