Categories: Uncategorized

विकासाचा रथ पुढे सुरू ठेवण्यासाठी मतांचे दान माझ्या पदरात टाका; अश्विनी लक्ष्मण जगताप यांचे वाल्हेकरवाडीत मतदारांना आवाहन

विकासाचा रथ पुढे सुरू ठेवण्यासाठी मतांचे दान माझ्या पदरात टाका; अश्विनी लक्ष्मण जगताप यांचे वाल्हेकरवाडीत मतदारांना आवाहन

महाराष्ट्र 14 न्यूज, (दि. १६ फेब्रुवारी) :  – चिंचवड विधानसभा मतदारसंघाच्या पोटनिवडणुकीतील भारतीय जनता पार्टी, बाळासाहेबांची शिवसेना, आरपीआय (आठवले गट), रासप, शिवसंग्राम संघटना, रयत क्रांती संघटना, प्रहार संघटना या महायुतीच्या उमेदवार अश्विनी लक्ष्मण जगताप यांनी गुरूवारी (दि. १६) चिंचवड, वाल्हेकरवाडी भागातील नागरिकांच्या भेटीगाठी घेऊन संवाद साधला. दिवंगत आमदार लक्ष्मण जगताप हे या शहराचे एकमेव विकासपुरूष होते. अश्विनी जगताप त्यांच्या पाठीशी खंबीरपणे होत्या. आता आम्ही अश्विनी लक्ष्मण जगताप यांच्या पाठीशी भक्कमपणे उभे आहोत. त्या मतदारसंघाच्या सर्वांच्या जिवाभावाच्या आहेत. त्यामुळे पोटनिवडणुकीत त्यांनाच विजयी करण्याचा निर्धार वाल्हेकरवाडीतील जनतेने व्यक्त केला.

भाजपा व मित्र पक्षाच्या उमेदवार अश्विनी जगताप यांनी गुरूवारी वाल्हेकरवाडीत घरोघरी जाऊन सर्व नागरिकांशी संवाद केला. यावेळी माजी उपमहापौर सचिन चिंचवडे, माजी नगरसेविका करुणा चिंचवडे, भाजपचे शहर उपाध्यक्ष शेखर चिंचवडे, सामाजिक कार्यकर्त्या पल्लवी वाल्हेकर, सामाजिक कार्यकर्ते सचिन शिवले यांच्यासह भाजप तसेच बाळासाहेबांची शिवसेना, आरपीआय (आठवले गट), रासप, शिवसंग्राम संघटना, रयत क्रांती संघटना, प्रहार संघटना या मित्र पक्षांचे त्या भागातील सर्व पदाधिकारी, कार्यकर्ते आणि नागरिक मोठ्या संख्येने उपस्थित होते.

पती लक्ष्मण जगताप यांच्या निधनामुळे जगताप कुटंब पोरके झाले असले तरी मतदारसंघातील जनतेने आम्हाला त्याची कधीही जाणीव होऊ दिली नाही. मतदारसंघातील जनता आमचे कुटुंबच आहे. मी तुमच्या कुटुंबातीलच एक सदस्य आहे. संपूर्ण मतदारसंघाला आपले कुटुंब मानणाऱ्या माझ्या पतीने प्रत्येक कुटुंब उभे राहावे यासाठी विकासाचे काम केले. मतदारसंघातील विकासाचा हा रथ असाच पुढे चालू ठेवायचा आहे. त्यासाठी आपण माझ्या पदरात मताचे दान टाकावे, असे आवाहन अश्विनी लक्ष्मण जगताप यांनी नागरिकांना केले. केंद्र आणि राज्य सरकारच्या माध्यमातून मतदारसंघाच्या विकासासाठी काहीही कमी पडू देणार नसल्याचे वचनही त्यांनी नागरिकांना दिले.

वाल्हेकरवाडी भागातील नागरिकांनी अश्विनी लक्ष्मण जगताप यांचे जोरदार स्वागत केले. जागोजागी औक्षण करून त्यांना विजयासाठी शुभेच्छा दिल्या. त्यांच्या या संवाद फेरीमुळे वाल्हेकरवाडी भाजपमय झाले होते. चिंचवड आणि वाल्हेकरवाडी भागातील नागरिकांनी कायमच भाजपला साथ दिली आहे. चिंचवड मतदारसंघाच्या विकासासाठी दिवंगत आमदार लक्ष्मण जगताप यांनी मोठे योगदान दिलेले आहे. त्यांचे विकासातील योगदान विसरण्यासारखे नाही. त्यांनी विकासाच्या माध्यमातून मतदारसंघाचा चेहरामोहरा बदलला. ते शहरातील एकमेव विकासपुरूष होते. अश्विनी जगताप ठामपणे त्यांच्या पाठीशी उभ्या होत्या. आता त्यांच्या पाठीशी भक्कमपणे आम्ही उभे असल्याच्या भावना वाल्हेकरवाडीतील नागरिकांनी व्यक्त केल्या. पोटनिवडणुकीत अश्विनी लक्ष्मण जगताप यांना भरघोस मतांनी विजयी करण्याचा निर्धारही वाल्हेकरवाडीतील नागरिकांनी व्यक्त केला.

Maharashtra14 News

Recent Posts

पिंपरी चिंचवड शहरातील रक्षक चौक येथील सबवेच्या कामाला गती; विहीत मुदतीत काम पुर्ण करण्याचे महापालिकेचे नियोजन

महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…

20 hours ago

विधानसभेचं ‘उपाध्यक्षपद’ पिंपरीला … महायुतीकडून ‘अण्णा बनसोडे’ यांचा अर्ज दाखल

महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…

1 week ago

जीवनात प्रतिज्ञा महत्त्वाची : ज्ञानेश्वर महाराज कदम माजी आमदार विलास लांडे यांच्याकडून भंडारा डोंगर येथील मंदिर उभारणीसाठी एक कोटींची देणगी

महाराष्ट्र 14 न्यूज, ता. १६ :  जीवनात काही साध्य करायचे असेल तर त्यासाठी प्रतिज्ञा करणे महत्त्वाचे…

3 weeks ago

सदगुणांना प्रतिष्ठा मिळवून देण्याचे काम समाजाकडून झाले पाहिजे – स्वामी गोविंददेव गिरी महाराज

सदगुणांना प्रतिष्ठा मिळवून देण्याचे काम समाजाकडून झाले पाहिजे - स्वामी गोविंददेव गिरी महाराज तुकाराम महाराजांच्या…

3 weeks ago