महाराष्ट्र 14 न्यूज, (दि.०६ जुलै२०२१) : संकटात असलेल्या स्कूल बस चालकांना शासन तुटपुंजी मदत जाहीर करतंय अशाच कोरोना संकटामुळे गेले दीड वर्षांपासून शाळा बंद असल्याने दररोज रस्त्यावर फिरणाऱ्या स्कूल बस मिळेल त्या ठिकाणी पार्क करून बस चालकांनी इतर व्यवसाय निवडला, त्यामुळे आपल्या बसकडे पाहायला ही त्यांना वेळ नाही आणि नकोही वाटायला लागले आहे.
अशातच नवी सांगवी परिसरातील स्कुल बस बसचालकांनी पिडब्ल्यूडी मैदानाच्या हद्दीत एका बाजूला आपल्या बस लावल्या आहेत. यातीलच बसला दुपारी चार वाजता अचानक आग लागली. लॉक डाउनमुळे सर्वच सर्व खाजगी व शासकीय शैक्षणिक संस्था, शाळा, कॉलेज बंद असून या शाळा व कॉलेजला विद्यार्थ्यांना ने आण करण्यासाठी या बसचा वापर करण्यात येत असे, परंतु शाळा- कॉलेज बंद करण्यात आल्याने दीड वर्षांपासून बस जागेवर उभ्या असून त्यातील काही बस सांगवी येथील पिडब्ल्यूडी मैदानात असणाऱ्या स्टेजच्या एका बाजूला उभ्या करण्यात आल्या . यातील काही बसची उनाड टारगट मुलांनी तोडफोड केल्या आहेत, तर काही बसची एकाच ठिकाणी पडून असल्याने दुरवस्था झाली आहे. यातीलच एका स्कूल बसला दुपारी चार वाजता अचानक आग लागली. आग कशी व कोणी लावली याचे कारण समजू शकले नाही.
यावेळी उपस्थित असलेल्या नागरिकांनी अग्निशमन दलास फोन केला. हाकेच्या अंतरावर समोरच सांगवी पोलीस स्टेशन असल्याने पोलीस तात्काळ घटनास्थळी दाखल झाले तर काही वेळातच अग्निशमन दल आल्याने अग्निशमन दलाच्या कर्मचाऱ्यांना आगीवर नियंत्रण मिळवण्यात यश आले. यावेळी नेहमीच संकटात मदत करणारे सामाजिक कार्यकर्ते राहुल कोंढरे तसेच महाराष्ट्र नवनिर्माण सेनेचे सुरेश सकट व त्यांच्या सहकाऱ्यांनी मोलाची मदत केल्याचे दिसून आले.
85 Comments