महाराष्ट्र 14 न्यूज, दिनांक- १८/०८/२०२५ व १९/०८/२०२५ रोजी सकाळी पावसाचे प्रमाण व खडकवासला पानशेत, वरसगाव व पवना धरण परिसरात १५० ते १८० मि.मी. पाऊस झालेला असल्याने आज दिनांक १९/०८/२०२५ रोजी धरणामध्ये पावसाचे येवा पाहता खडकवासला धरणातून सकाळी ८:०० वाजता २१७८ क्युसेक्स व सकाळी ९:०० वाजता ४१७० क्युसेक्सने विसर्ग सोडण्यात येणार आहे. तसेच सदर विसर्ग १०००० क्युसेक्स पर्यंत वाढण्याची शक्यता आहे.
तसेच खालील प्रमाणे तीनही धरणातून विसर्ग सोडण्यात येणार आहे.
१) पानशेत धरणातून सकाळी ८:०० वाजता ३९९६ क्युसेक्स.
२) वरसगाव धरणातून सकाळी ८:०० वाजता ३९०९ क्युसेक्स.
३) पवना धरणातून सकाळी ९:०० वाजता २८६० क्युसेक्स.
तसेच पाणलोट क्षेत्रातील पावसाच्या प्रमाणानुसार व येव्यानुसार धरणातून नदीपात्रात होणारा विसर्ग पुन्हा कमी किंवा जास्त केला जाऊ शकतो याची नोंद घ्यावी. तरी पुणे महानगरपालिका व पिंपरी चिंचवड महानगरपालिका परिसरात राहणाऱ्या नागरिकांनी सतर्क राहावे नदीपात्रात काही तत्सम साहित्य, वाहने अथवा जनावर असल्यास तात्काळ हलविण्यात यावी तसेच महानगरपालिका यांनी नागरिकांना सतर्क राहण्याच्या सूचना देण्यात याव्यात …
तथापि आपल्या स्तरावरुन संबंधित अधिकारी व विभागांना तात्काळ वार्ता देण्यात यावी व सर्व प्रशासकीय विभागांनी योग्य ती खबरदारी घ्यावी. श्वेता यो. कु-हाडे संनियंत्रण अधिकारी मध्यवर्ती पुरनियंत्रण कक्ष, पुणे यांच्या वतीने कळवण्यात आले आहे.
यांनी राहावे सतर्क :—
1. आपत्ती निवारण कक्ष, जिल्हाधिकारी कार्यालय, पुणे
२. आपत्ती निवारण कक्ष, पुणे महानगरपालिका, पुणे
३. आपत्ती निवारण कक्ष, पिंपरी चिंचवड महानगरपालिका, पुणे (पवना व मुळशी)
४. मा. विभागीय आयुक्त कार्यालय, पुणे
५. मा. पोलीस आयुक्त, आयुक्त कार्यालय (पुणे शहर, पिंपरी चिंचवड शहर / ग्रामीण), पुणे
६. PMRDA मुख्यालय कंट्रोल रुम, पुणे
७. MSEB मुख्यालय रास्ता पेठ, पुणे
