Categories: Uncategorized

पिंपरी चिंचवड महापालिका स्थायी समिती सभेत या कामना मंजुरी

महाराष्ट्र 14 न्यूज, दिनांक १ जून २०२३:– महापालिका क्षेत्रातील झोपडपट्ट्यांमध्ये नाविन्यपूर्ण उपक्रम राबविणे, सौंदर्यीकरण करणे व स्वच्छ भारत अभियान अंतर्गत अनुषंगिक कामे करण्यास मान्यता देण्यात आली. त्याचप्रमाणे इतर आवश्यक विविध कामांसाठी येणाऱ्या खर्चासही प्रशासक शेखर सिंह यांच्या अध्यक्षतेखाली संपन्न झालेल्या महापालिका स्थायी समिती सभेत आज मान्यता देण्यात आली. 

पिंपरी येथील मुख्य प्रशासकीय भवनामध्ये संपन्न झालेल्या बैठकीस अतिरिक्त आयुक्त प्रदीप जांभळे पाटील, जितेंद्र वाघ, उल्हास जगताप तसेच विषयाशी संबधित विभागप्रमुख आणि अधिकारी उपस्थित होते.

मनपा दवाखाना, रूग्णालयाकरिता आवश्यक उपकरणे खरेदीस मान्यता देण्यात आली. तसेच पवना नदीच्या शिवणे ते दापोडी या ४४ कि.मी  लांबीतील नदीचे सर्व्हेक्षण व सुधारीत पुररेषा आखणी करणेकामी येणाऱ्या खर्चास मान्यता देण्यात आली.

महानगरपालिकेच्या “अ” प्रभागातील जलनि:सारण नलिकांची वार्षिक ठेकेदारी पद्धतीने साफसफाई  करणे व गाळ काढणेकमी येणाऱ्या खर्चास मान्यता देण्यात आली. तात्पुरत्या स्वरुपात नेमणूक केलेल्या मानधनावरील रुग्णवाहिका वाहनचालक पदांना सुधारित किमान वेतनप्रमाणे मानधनात वाढ करण्यास मान्यता देण्यात आली.

मनपाचे ग क्षेत्रीय कार्यालयाच्या कार्यक्षेत्रातील प्रभाग क्रमांक २३, २४ व २७ मधील सार्वजनिक शौचालयांची यांत्रिकी पद्धतीने साफसफाई करणेकामी येणा-या खर्चास मान्यता देण्यात आली.

मनपा प्रभाग क्रमांक १२ मधील  रुपीनगर व परिसरातील रस्त्यांची आकस्मित देखभाल दुरुस्ती करणेकामी येणाऱ्या खर्चास मान्यता देण्यात आली. पिंपरी चिंचवड महानगरपालिकेचे रुग्णालयीन कामकाजासाठी आहार तज्ञ मेडिकल रेकॉर्ड असिस्टंट व मॅनेजर आऊट सोर्सिंग द्वारे अनुबंधित एजन्सी मार्फत नेमणूक करण्यात मान्यता देण्यात आली.

अंकुशराव लांडगे नाट्यगृह, आचार्य अत्रे रंगमंदीर, नटसम्राट निळू फुले रंगमंदीर यांच्या भाड्यात वाढ करण्यास मान्यता देण्यात आली. तसेच निगडी येथील ग.दि.माडगुळकर नाट्यगृह भाडे तत्वावर देणेकामी दरास मान्यता देण्यात आली.

पिंपरी चिंचवड शहरातील मुख्य रस्ते महामार्ग व १८ मी पेक्षा मोठ्या रस्त्यांची यांत्रिकी पद्धतीने साफसफाई करणे कामी येणाऱ्या खर्चास मान्यता देण्यात आली. मनपाचे  प्रभाग क्रमांक १५ मधील मनपा इमारतींचे दुरुस्तीची कामे करण्याकामी येणाऱ्या खर्चास मान्यता देण्यात आली. तसेच प्रभाग क्र. १५ मधील ज्ञान प्रबोधनी शाळा परिसर दुर्गेश्वर, मंदिर परिसर व इतर भागांमध्ये डांबरीकरणाची कामे करणेकामी येणाऱ्या खर्चास मान्यता देण्यात आली.

मनपा प्रभाग क्रमांक १९  बी ब्लॉक भाटनगर व इतर परिसरामध्ये पावसाचे पाणी व्यवस्था, दुभाजक, पेव्हिंग  ब्लॉक व इतर अनुषंगिक कामे करणेकामी येणा-या  खर्चास मान्यता देण्यात आली. मनपाचे प्रभाग क्रमांक १४  मध्ये स्थापत्य विषयक कामे करण्याकामी येणाऱ्या खर्चास मान्यता देण्यात आली.मनपा फ, अ आणि ह क्षेत्रीय कार्यालयांतर्गत विविध उद्याने देखभाल करणेस मान्यता देण्यात आली. तसेच पुणे,मुंबई हमरस्ता निगडी ते दापोडी रस्ता व रस्त्याच्या बाजूने सुशोभिकरण देखभाल करणेकामी मान्यता देण्यात आली.

अशुद्ध जलउपसा केंद्र रावेत येथील विविध आवश्यक कामांसाठी येणाऱ्या खर्चास मान्यता देण्यात आली. महानगपालिकेच्या आरोग्य विभागाकडील आवश्यक रिक्त पदे एकत्रित मानधनावर तात्पुरत्या स्वरुपात भरण्यास मान्यता देण्यात आली. महापालिका कार्यक्षेत्रातून वाहणाऱ्या पवना नदी पात्रातील टाटा ब्रिज ते बोपखेल या क्षेत्रातील जलपर्णी काढणे कामी येणाऱ्या खर्चास मान्यता देण्यात आली.

Maharashtra14 News

Recent Posts

पिंपरी चिंचवड शहरातील रक्षक चौक येथील सबवेच्या कामाला गती; विहीत मुदतीत काम पुर्ण करण्याचे महापालिकेचे नियोजन

महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…

16 hours ago

विधानसभेचं ‘उपाध्यक्षपद’ पिंपरीला … महायुतीकडून ‘अण्णा बनसोडे’ यांचा अर्ज दाखल

महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…

1 week ago

जीवनात प्रतिज्ञा महत्त्वाची : ज्ञानेश्वर महाराज कदम माजी आमदार विलास लांडे यांच्याकडून भंडारा डोंगर येथील मंदिर उभारणीसाठी एक कोटींची देणगी

महाराष्ट्र 14 न्यूज, ता. १६ :  जीवनात काही साध्य करायचे असेल तर त्यासाठी प्रतिज्ञा करणे महत्त्वाचे…

3 weeks ago

सदगुणांना प्रतिष्ठा मिळवून देण्याचे काम समाजाकडून झाले पाहिजे – स्वामी गोविंददेव गिरी महाराज

सदगुणांना प्रतिष्ठा मिळवून देण्याचे काम समाजाकडून झाले पाहिजे - स्वामी गोविंददेव गिरी महाराज तुकाराम महाराजांच्या…

3 weeks ago